पहाटेच्या सुमारास भूकंपाचे धक्के; सुरगाणा तालुक्यात भीतीचे वातावरण

पहाटेच्या सुमारास भूकंपाचे धक्के; सुरगाणा तालुक्यात भीतीचे वातावरण

सुरगाणा तालुक्यातील उंबरठाण परिसरात आज पहाटे भूकंपाचे धक्के जाणवले. पहाटे सुमारे ५.२९ वाजता पहिला हलका धक्का बसला, त्यानंतर ५.३० वाजता दुसरा व अधिक तीव्र धक्का जाणवला. या धक्क्यांची तीव्रता साधारण ४ ते ५ सेकंद इतकी असल्याचे स्थानिकांनी सांगितले.निंबारपाडा येथील युवराज सहारे यांच्या घराच्या भिंतीला तडे गेले आहेत. उंबरठाण परिसरातील निंबरपाडा, दातरीचापाडा, कोठुळा, पांगारणे आदी गावांमध्ये या भूकंपाचे परिणाम अधिक जाणवले. काही घरांच्या भिंती व पत्रे हलल्याने नागरिकांमध्ये भीतीचे वातावरण निर्माण झाले. अचानक आलेल्या धक्क्यांमुळे अनेक जण घाबरून घराबाहेर धावले.
सुदैवाने या घटनेत कोणतीही जीवितहानी किंवा मोठे नुकसान झाल्याची माहिती अद्याप मिळालेली नाही. मात्र, भूकंपाच्या या अनपेक्षित धक्क्यांमुळे नागरिकांमध्ये भीतीचे वातावरण पसरले आहे.