सुरगाणा तालुक्यातील हतगड गणातून पंचायत समिती सदस्य पदासाठी पंकज चव्हाण हे तरुण तडफदार युवा नेता म्हणून इच्छूक उमेदवार म्हणून पुढे आले आहेत.

सुरगाणा तालुक्यातील हतगड गणातून पंचायत समिती सदस्य पदासाठी पंकज चव्हाण हे तरुण तडफदार युवा नेता म्हणून इच्छूक उमेदवार म्हणून पुढे आले आहेत. सामाजिक कार्यात सक्रिय सहभाग, युवकांमध्ये नेतृत्वगुण आणि स्थानिक विकासाबद्दलची तळमळ यामुळे त्यांच्या उमेदवारीकडे जनतेचे लक्ष लागले आहे.

पंकज चव्हाण यांनी विविध सामाजिक उपक्रमांद्वारे ग्रामीण भागातील युवकांना प्रेरित केले असून ग्रामविकासाच्या माध्यमातून बदल घडविण्याचा त्यांचा संकल्प आहे. स्थानिक पातळीवर शिक्षण, रोजगार आणि पायाभूत सुविधा या प्रश्नांवर ठोस भूमिका घेऊन ते जनतेच्या सेवेसाठी उतरले असल्याचे त्यांनी सांगितले.

गावातील अनेक तरुण आणि ग्रामस्थांनी त्यांच्या इच्छुकतेचे स्वागत करत त्यांना पाठिंबा दर्शविला आहे. आगामी निवडणुकीत पंकज चव्हाण यांच्या उमेदवारीमुळे हतगड गणातील निवडणुकीला विशेष रंग चढण्याची शक्यता व्यक्त केली जात आहे.