बळी महाराज मंदिरतर्फे आदिवासी पाड्यावर कपडे मिठाई, वाटप

बळी महाराज मंदिरतर्फे आदिवासी पाड्यावर कपडे मिठाई, वाटपनाशिकमध्ये पंचवटीतील अमृतधाम परिसरातील बळी महाराज मंदिरात बलिप्रतिपदेच्या दिवशी जमा झालेली मिठाई व नागरिकांनी दिलेले नवीन व जुने कपड्यांचे वाटप सुरगाणा तालुक्यातील तीन पाड्यावर करण्यात आली. याचा लाभ शेकडो आदिवासी बांधवांना मिळाला.
पंचवटीतील अमृतधाम परिसरातील सुप्रसिद्ध बळी महाराज मंदिरात दरवर्षीप्रमाणे यावर्षी बलिप्रतिपदा मोठ्या उत्साहात साजरी करण्यात आली होती. या दिवशी परिसरातील महिलांनी देवाच्या औक्षणासाठी आणलेला प्रसाद व नागरिकांनी दिलेले नवीन व जुने कपडे यांचे वाटप सुरगाणा तालुक्यातील मुरूमदरी, साबरदरा, हेमाडपाडा, मनखेड येथील नागरिकांना करण्यात आले. याप्रसंगी बळी महाराज मंदिर ट्रस्टचे अध्यक्ष वाळूमामा शिंदे, उपाध्यक्ष सुनील सूर्यवंशी, संजय सूर्यवंशी, विलास सूर्यवंशी, राजू मगर, दीपक सूर्यवंशी, संकेत खैरे, प्रकाश सूर्यवंशी, दिलीप मगर, सोनू मंडलिक यांनी परिश्रम घेतले. उपक्रम यशस्वी होण्यासाठी मनखेड आश्रमशाळेचे प्राचार्य नसीर मणियार यांचे सहकार्य मिळाले. स्थानिक आदिवासी किरण पीठे, नारायण पीठे, ज्ञानेश्वर पिठे जयवंती वासले, हंसराज गायकवाड उपस्थित होते.