काशिसेंबा येथे शेतातील ३ एचपी सौर पंप मोटार चोरी; अज्ञाताविरुद्ध गुन्हा दाखल

काशिसेंबा येथे शेतातील ३ एचपी सौर पंप मोटार चोरी; अज्ञाताविरुद्ध गुन्हा दाखल

सुरगाणा  तालुक्यातील काशिसेंबा येथे शेतातील सौर कृषी पंपाची मोटार अज्ञात चोरट्याने चोरून नेल्याची घटना उघडकीस आली आहे. याप्रकरणी सुरगाणा पोलीस ठाण्यात गुन्हा दाखल करण्यात आला आहे.
याबाबत फिर्यादी जयराम बाबुराव पवार (वय ४३, व्यवसाय शेती, रा. काशिसेंबा, पो. माणी, ता. सुरगाणा, जि. नाशिक) यांनी तक्रार दिली आहे. त्यांच्या मालकीची ३ एचपी क्षमतेची सौर कृषी पंपाची पाण्याची मोटार अज्ञात व्यक्तीने फिर्यादीची संमती नसताना लबाडीच्या उद्देशाने चोरून नेल्याचे तक्रारीत नमूद करण्यात आले आहे.
सदर प्रकरणी अज्ञात आरोपीविरुद्ध चोरीचा गुन्हा दाखल करण्यात आला असून पुढील तपास सपोनि शंकर भोये करत आहेत. पोलिस निरीक्षक विनोद पाटील व पोलीस उपनिरीक्षक मनोज कुवर यांच्या मार्गदर्शनाखाली तपास सुरू आहे.