आदिवासी समाजाच्या सर्वांगीण विकासासाठी कार्यरत असलेल्या महाराष्ट्र राज्य सहकारी आदिवासी विकास महामंडळात नवी ऊर्जा संचारित झाली असून, इंद्रजित जीवा गावित यांची संचालक म्हणून निवड झाली आहे. त्यांच्या नियुक्तीने आदिवासी विकास क्षेत्रात नव्या दिशा व गतिमानता येण्याची अपेक्षा व्यक्त केली जात आहे.
इंद्रजित जीवा गावित हे आदिवासी समाजातील युवकांसाठी उपजीविका, शिक्षण, शेती व व्यवसायविकास यांसारख्या क्षेत्रात सातत्याने कार्यरत असून त्यांच्या अनुभवाचा लाभ आता राज्यभरातील आदिवासी विकास योजनांना मिळणार आहे.
महामंडळाच्या विविध उपक्रमांना गती देणे, स्व–साहाय्य गटांना प्रोत्साहन, वनउत्पादनांवर आधारित उद्योगविकास आणि रोजगारनिर्मिती हे त्यांच्या कार्यकाळातील प्रमुख प्राधान्यक्रम असतील, अशी माहिती सूत्रांनी दिली.
स्थानिक स्तरावर या निवडीचे स्वागत होत असून, “आदिवासी विकास क्षेत्रात सकारात्मक बदलांना चालना मिळेल,” अशी भावना व्यक्त केली जात आहे.
या पोर्टल च्या माध्यमातून सामान्य जनतेला न्याय मिळवून देण्यासाठी हे पोर्टल सुरू करण्यात आले असून तुमच्या जवळ असलेली बातमी मला ९८२३७७९२०२ या व्हाट्सअप नंबर पाठवा.
