सुरगाणा तालुक्यातील जिल्हा परिषदेच्या निवडणुकीत महिला राज

सुरगाणा तालुक्यात २०१७ मध्ये जिल्हा परिषदेचे तीन गट आणि पंचायत समितीचे सहा गण होते.
२०२५ मध्ये एक गट व दोन गणाची वाढ झाली आहे.
यामध्ये सन २०१७ मध्ये झालेल्या निवडणुकीत जिल्हा परिषदेचे तीन गट पैकी एक अनुसुचित जमाती साठी तर दोन ओबीसी साठी आरक्षित होते. यावेळी आरक्षण या निवडणुकीत अनूसुचित जमाती साठी उंबरठाण, श्रीभुवन, ठाणगाव हे तीन गट महिलांसाठी व हतगड हा एकमेव गट अनुसूचित जमातीसाठी आरक्षित झाला आहे. यामुळे सुरगाणा मध्ये महिलाराज येईल. या आश्चर्यकारक आरक्षण सोडतीमुळे गेल्या तीन चार वर्षांपासून जिल्हा परिषदेची तयारी करत गुडघ्याला बाशिंग बांधून बसलेल्या सर्वसाधारण नेत्यांच्या आणि इच्छुकांच्या पदरी मोठी निराशा आली आहे.
याशिवाय पंचायत समिती गणांमध्ये
शिंदे दिगर, पळसन, चिंचला, खोबळा येथे महिला अनुसूचित जमाती आरक्षण तर उंबरठाण, हतगड, श्रीभुवन, ठाणगाव हे गण अनुसूचित जमाती साठी आरक्षित झाले आहेत. नव्याने तयार झालेल्या हतगड गटा मध्ये काटे की टक्कर अशी झुंज बघायला मिळणार आहे यासाठी नागरिकामध्ये उत्साह निर्माण झाला आहे.

जिल्हा परिषद आरक्षण माहिती
२०१७
हट्टी गट : अनुसूचित जमाती महिला : कलावती चव्हाण (भाजप ),
गोंदुणे गट: ओबीसी महिला
ज्योती जाधव( सीपीएम),
भवाडा गट : ओबीसी महिला
अनिता बोडके ( सीपीएम ).
–
पंचायत समिती गण आरक्षण माहिती
२०१७
बोरगाव गण : अनुसूचित जमाती महिला – सुवर्णा गांगोडे ( सीपीएम),
हट्टी गण: अनुसूचित जमाती पुरुष – एन डी गावित ( भाजप), पळसन गण : अनुसूचित जमाती महिला- कलावती भोये ( सीपीएम),भदर गण : अनुसूचित जमाती पुरूष- इंद्रजित गावित ( राष्ट्रवादी सीपीएम), भवाडा गण: अनुसूचित जमाती महिला – मनिषा महाले(सीपीएम ) , गोंदुणे गण: अनुसूचित जमाती पुरुष – घांगळे ( सीपीएम ) असे होते.