दि. 2 ते 4 नोव्हेंबर 2025 दरम्यान चंपाबेन बालचंद शाह महिला महाविद्यालय, सांगली येथे 19 वर्ष वयोगटातील मुलींच्या राज्यस्तरीय व्हॉलीबॉल क्रीडा स्पर्धा पार पडल्या. राज्यातील 8 विभागांतील संघ सहभागी झाले होते.
नाशिक विभागाचे प्रतिनिधित्व मविप्र आश्रमशाळा मोहपाडा, ता. सुरगाणा या शाळेच्या मुलींच्या संघाने केले. पहिल्या सामन्यात लातूर संघाला 3 – 0 अशा सरळ सेट मध्ये पराभूत केले. तृतीय क्रमांकाच्या सामन्यात मुंबई संघाला 26 – 24 व 25 – 16 अशा फरकाने पराभूत करुन राज्यात तिसरा क्रमांक पटकवला. शाळेची विद्यार्थिनी हर्षाली बाळू चव्हाण हिची राष्ट्रीय स्तर स्पर्धेसाठी महाराष्ट्राच्या संघात निवड झाली.
संघातील सहभागी मुली – हर्षाली चव्हाण, अंजली गायकवाड, भूमिका गायकवाड, कामिनी जाधव, अर्चना चौधरी, सोनी बागुल व इतर ६ खेळाडू.
सर्व यशस्वी खेळाडूंना शिक्षक श्री. कैलास चौधरी यांचे मार्गदर्शन लाभले. या दैदीप्यमान यशाबद्दल संस्थेचे कळवण सुरगाणा तालुका संचालक रविबाबा देवरे, सरचिटणीस मा.नितीन ठाकरे व शिक्षणाधिकारी मा.ज्ञानेश्वर लोखंडे, मा.भास्कर ढोके, मुख्याध्यापक दीपक कणसेपाटील व संतोष गौळी आणि शालेय कर्मचारी यांनी गुणवंत विद्यार्थी व मार्गदर्शक शिक्षक यांचे अभिनंदन केले.