कळवण प्रकल्पातील ४० अनुदानित आश्रमशाळांतील शिक्षक-कर्मचाऱ्यांचे दोन महिन्यांपासून वेतन रखडले
कळवण प्रकल्पातील ४० अनुदानित आश्रमशाळांतील शिक्षक-कर्मचाऱ्यांचे दोन महिन्यांपासून वेतन रखडले
कळवण प्रकल्प अंतर्गत येणाऱ्या ४० अनुदानित आश्रम शाळांमधील शिक्षक व शिक्षकेतर कर्मचाऱ्यांना गेल्या दोन महिन्यांपासून वेतन मिळालेले नाही. त्यामुळे संबंधित कर्मचारी आर्थिक अडचणीत सापडले असून त्याचा परिणाम त्यांच्या दैनंदिन जीवनावर होत आहे.
आदिवासी व दुर्गम भागात शिक्षण देणाऱ्या या आश्रम शाळांमधील शिक्षक-कर्मचारी अत्यल्प साधनांमध्ये कार्यरत आहेत. अशा परिस्थितीत सलग दोन महिने वेतन न मिळाल्याने घरखर्च, कर्जहप्ते, मुलांचे शिक्षण तसेच आरोग्याच्या गरजांची पूर्तता करणे कठीण झाले आहे. अनेक कर्मचाऱ्यांवर कर्ज काढण्याची वेळ आली असून मानसिक तणावात वाढ झाली आहे.
वेतन विलंबाबाबत संबंधित विभागाकडे वारंवार पाठपुरावा करूनही अद्याप ठोस निर्णय झालेला नाही. शासनाने तातडीने निधी उपलब्ध करून देत प्रलंबित वेतन अदा करावे, अशी मागणी शिक्षक व कर्मचाऱ्यांकडून करण्यात येत आहे.
